TA_46

தோத்திரம் செய்வேனே - ரட்சகனைத்
தோத்திரம் செய்வேனே

இப்புது மனைதனில் இறையன்பின் பிரசன்னம்
எப்போதும் நிலைகொண்டு இருந்திட கீதம் பாடி - தோத்திரம்

1.கையின் பிரயாசமதை - தயவாய், சுபமாய், நிறைவாய்
கனிந்திடச் செய்தவரை
கைவிடேன் ஒருபோதும் என்றநல் கர்த்தனை
கைகூப்பி வணங்கிய கரத்துடன் கீதம் பாடி - தோத்திரம்

2.இல்லத்தின் ஒளி அவராய் - இருந்து, தொடர்ந்து, நிறைந்த
இன்பங்கள் நல்கிடவே
இம்மையின் காலங்கள் யாவிலும் அவரருள்
இவ்வடியாருடன் இருந்திட கீதம் பாடி - தோத்திரம்
- - - - - - - - - -