TA_74

சேனையதிபன் நம் கர்த்தருக்கே
செலுத்துவோம் கனமும் மகிமையுமே
அற்புதமே நம் அன்பெமக்கே அதை
அறிந்தே அகமகிழ்வோம்

ஜெய கிறிஸ்து முன் செல்கிறார்
ஜெயமாக நடத்திடுவார்
ஜெயகீதங்கள் நாம் பாடியே
ஜெய கொடியும் ஏற்றிடுவோம்
ஜெயம் அல்லேலுயா அவர் நாமத்திற்கே

1.தாய் மறந்தாலும் நான் மறவேன்
 திக்கற்றோராய் விட்டு விடேன்
 என்றுரைத் தெம்மைத் தேற்றுகிறார்
 என்றும் வாக்கு மாறிடாரே - ஜெய கிறிஸ்து

2.மேய்ப்பனில்லாத ஆடுகட்கே
 நானே நல்ல மேய்ப்பன் என்றார்
 இன்ப சத்தம் பின் சென்றிடுவோம்
 இன்ப பாதை காட்டிடுவார் - ஜெய கிறிஸ்து

3.சத்துருவின் கோட்டை தகர்ந்தொழிய
 சத்தியம் நித்தியம் நிலைத்தோங்க
 சாத்தானின் சேனை நடுங்கிடவே
 துதி சாற்றி ஆர்ப்பரிப்போம் - ஜெய கிறிஸ்து

4.கரை திரை முற்றும் நீங்கிடவே
 கர்த்தர் நம்மை கழுவிடுவார்
 வருகையில் எம்மைச் சேர்க்கும் வரை
 வழுவாமல் காத்துக் கொள்வார் - ஜெய கிறிஸ்து
 - - - - - - - - - -