TC_24

இஸ்ரவேலை ஆசீர்வதிப்பதே தேவனுக்கு பிரியமல்லோ

ஆசீர்வதியும் தேவா எம்மை ஆசீர்வதியும் தேவா
ஆசீர்வதிப்பதே உம் பிரியம் ஆசீர்வதியும் தேவா

1.ஆபிரகாமை ஆசீர்வதித்தீர்
அவரின் சந்ததியை பெருகச் செய்தீர்
அப்பா உம் ஆசீர்களை இப்போ
அடியார்க்கும் அருளிடுமே - ஆசீர்வதியும்

2.யாபேசின் எல்லையை விரிவாக்கினீர்
யாவும் அவனுக்காய் நிறைவேற்றினீர்
தீங்கொன்றும் அணுகிடாமல் நீர்
கரம் நீட்டி காத்தீரல்லோ - ஆசீர்வதியும்

3.கையிட்டு செய்யும் எல்லா காரியமும்
கர்த்தாவே உந்தன் அனுக்கிரகத்தால்
எப்போதும் வாய்க்கச் செய்யும் - என்னை
செழித்து ஓங்கச் செய்யும் - ஆசீர்வதியும்

4.அப்பா என்னை இன்று கண்ணோக்குமே
குறைகள் யாவையும் நிறைவாக்கிடும்
என்னை நீர் ஆசீர்வதிக்காமல்
நான் உம்மை விடுவதில்லை - ஆசீர்வதியும்
 - - - - - - - - - -