TC_35

1.எந்தன் உள்ளம் புது கவியாலே பொங்க
இயேசுவை பாடிடுவேன்
அவர் நாமம் ஊற்றுண்ட பரிமள தைலம்
அவரையே நேசிக்கின்றேன்

அல்லேலூயா துதி அல்லேலூயா - எந்தன்
அண்ணலாம் இயேசுவை பாடிடுவேன்
இத்தனை கிருபைகள் நித்தமும் அருளிய
கர்த்தரைக் கொண்டாடுவேன்

2.சென்ற காலம் முழவதும் காத்தாரே ஓர்
சேதமும் அணுகாமல்
சொந்தமாக ஆசீர் பொழிந்தெனக்கின்றும்
சுகபெலன் அளித்தாரே -அல்லேலூயா

3.சிலவேளை இமைப்பொழுதே தம் முகத்தை
சிருஷ்டிகர் மறைத்தாரே
கடுங்கோபம் நீங்கி திரும்பவும் என்மேல்
கிருபையும் பொழிந்தாரே -அல்லேலூயா
 
4.பஞ்சகாலம் பெருகிட நேர்ந்தாலும் தாம்
தஞ்சமே ஆனாரே
அங்கும் இங்கும் நோய்கள் பரவி வந்தாலும்
அடைக்கலம் அளித்தாரே -அல்லேலூயா

5.களிப்போடு விரைந்தெம்மை சேர்த்திட என்
கர்த்தரே வருவாரே
ஆவலோடு நாமும் வசனத்தை நோக்கி
அனுதினம் காத்திருப்போம் -அல்லேலூயா
- - - - - - - - - -