Author: screenbyte

ஒரு மனிதனின் இருதயத்தில் உள்ள பகையான சிந்தனை அவர்கள் விரும்பாத வெட்கப்படும் சூழ்நிலையை அவர்களுக்கு உருவாக்கி விடுகிறது.

கர்த்தருடைய நாமம் தரித்த அவருடைய பிள்ளைகளுக்கு விரோதமான பகை மற்றும் கர்த்தரால் அபிஷேகம் பண்ணப்பட்ட மனிதர்களுக்கு எதிரான பகை என்பது கர்த்தருக்கு விரோதமான பகை என்றே கருதப்படுகிறது.

சங்கீதம் 44 : 7 – நீரே எங்கள் சத்துருக்களினின்று எங்களை இரட்சித்து, எங்களைப் பகைக்கிறவர்களை வெட்கப்படுத்துகிறீர்.

கர்த்தர் தம்மை பகைக்கிறவர்களுக்கு விரோதமாக செயல்பட்டு அவர்களை வெட்கப்படுத்துகிறார் என்று வேதத்தில் குறிப்பிடப்பட்டுள்ளது.

ஆகவே பகையை விட்டு விலகி இரட்சிப்பின் வழியை நாடுவதே ஒரு மனிதனுக்கு நன்மையை கொண்டு வரும் என்பதில் சந்தேகம் இல்லை.

– – – – – – – – – –

மோவாபியர், அம்மோனியர் மற்றும் மியூனியர் ஆகிய மூன்று ராஜ்ஜியங்களின் சேனைகள் திரள் கூட்டமாக, யூதாவின் ராஜாவாகிய யோசபாத்தை எதிர்த்து யுத்தம் பண்ண வந்து கொண்டிருக்கிறது என்ற செய்தி யோசபாத்திறகு அறிவிக்கப்பட்ட போது, அவன் மிகவும் பயந்து கலங்கினான்.

அப்பொழுது யோசபாத் கர்த்தரிடத்திலே சகாயந்தேட உபவாசத்தைக் கூறுவித்து,

எங்கள் தேவனே, அவர்களை நீர் நியாயந்தீர்க்கமாட்டீரோ? எங்களுக்கு விரோதமாக வந்த இந்த ஏராளமான கூட்டத்திற்கு முன்பாக நிற்க எங்களுக்குப் பெலனில்லை; நாங்கள் செய்யவேண்டியது இன்னதென்று எங்களுக்குத் தெரியவில்லை; ஆகையால் எங்கள் கண்கள் உம்மையே நோக்கிக்கொண்டிருக்கிறது, என்று முறையிட்டான்.

அப்பொழுது சபையின் நடுவிலிருக்கிற ஆசாப்பின் புத்திரரில் ஒருவனான லேவியன் மேல் கர்த்தருடைய ஆவி இறங்கினதினால் அவன் சொன்னது:

நீங்கள் அந்த ஏராளமான கூட்டத்திற்குப் பயப்படாமலும் கலங்காமலும் இருங்கள் என்று கர்த்தர் உங்களுக்குச் சொல்லுகிறார்; இந்த யுத்தம் உங்களுடையதல்ல, தேவனுடையது.

இந்த யுத்தத்தைப் பண்ணுகிறவர்கள் நீங்கள் அல்ல; யூதா மனுஷரே, எருசலேம் ஜனங்களே, நீங்கள் தரித்து நின்று கர்த்தர் உங்களுக்குச் செய்யும் இரட்சிப்பைப் பாருங்கள்; பயப்படாமலும் கலங்காமலும் இருங்கள்; நாளைக்கு அவர்களுக்கு எதிராகப் புறப்படுங்கள; கர்த்தர் உங்களோடே இருக்கிறார் என்றான்.

பின்பு யோசபாத், ஜனத்தோடே ஆலோசனைபண்ணி, பரிசுத்தமுள்ள மகத்துவத்தைத் துதிக்கவும், ஆயுதம் அணிந்தவர்களுக்கு முன்னாக நடந்துபோய், கர்த்தரைத் துதியுங்கள், அவர் கிருபை என்றும் உள்ளதென்று கர்த்தரைப் பாடவும், பாடகரை நிறுத்தினான்.

அவர்கள் பாடித் துதிசெய்யத் தொடங்கினபோது, யூதாவுக்கு விரோதமாய் வந்து பதிவிருந்த அம்மோன் புத்திரரையும், மோவாபியரையும், (மியூனியர்) சேயீர் மலைத்தேசத்தாரையும், ஒருவருக்கு விரோதமாய் ஒருவரைக் கர்த்தர் எழும்பப்பண்ணினதினால் அவர்கள் வெட்டுண்டு விழுந்தார்கள்.

வெற்றி பெற்ற பின், கூட்டணியில் உள்ள மற்ற அணியின் ராணுவத்தினரை கொன்று, அனைத்து கொள்ளை பொருட்களையும் தாங்களே அபகரிக்க திட்டமிடுகின்றனர் என்று ஒருவருக்கு விரோதமாய் ஒருவர் சந்தேகப்படும் எண்ணங்களை [suspecting betrayal] கர்த்தர் எழும்பப்பண்ணினதினால், இப்பொழுதே நாம் அவர்களை அழிக்க வேண்டும் என்று, ஒருவரை ஒருவர் தாக்கி அழித்தார்கள். [Ref: AMP]

யூதா மனுஷர் வனாந்தரத்திலுள்ள சாமக்கூட்டண்டையிலே வந்து, அந்த ஏராளமான கூட்டமிருக்கும் திக்கை நோக்குகிறபோது, இதோ, அவர்கள் தரையிலே விழுந்துகிடக்கிற பிரேதங்களாகக் கண்டார்கள்; ஒருவரும் தப்பவில்லை.

யோசபாத்தும் அவனுடைய ஜனங்களும் அவர்கள் உடைமைகளைக் கொள்ளையிட வந்தபோது, அவர்கள் கண்ட ஏராளமான பொருள்களும் பிரேதங்களிலிருந்து உரிந்துபோட்ட ஆடை ஆபரணங்களும், தாங்கள் எடுத்துக்கொண்டு போகக்கூடாதிருந்தது; மூன்று நாளாய்க் கொள்ளையிட்டார்கள்; அது அவ்வளவு மிகுதியாயிருந்தது.

கர்த்தர் இஸ்ரவேலின் சத்துருக்களோடு யுத்தம்பண்ணினார் என்று கேள்விப்பட்ட அந்தந்த தேசத்து ராஜ்யத்தார்மேல் தேவனால் உண்டான பயங்கரம் வந்தது.

எங்கள் தேவனே, எங்களுக்குப் பெலனில்லை; செய்யவேண்டியது இன்னதென்றும் தெரியவில்லை; எங்கள் கண்கள் உம்மையே நோக்கிக்கொண்டிருக்கிறது, என்று முறையிட்ட யோசபாத் மற்றும் யூதா ஜனத்தின் முடிவு என்ன?

1. யூதாவை எதிர்த்து யுத்தம் பண்ண வந்த ஏராளமான கூட்டம் தரையிலே பிரேதங்களாக விழுந்து கிடக்கிறதை கண்டார்கள்.

2. யோசபாத்தும் அவனுடைய ஜனங்களும், சத்துருக்களின் உடைமைகளை மூன்று நாளாய்க் கொள்ளையிட்டார்கள்; அது அவ்வளவு மிகுதியாயிருந்தது.

3. கர்த்தர் இஸ்ரவேலின் சத்துருக்களோடு யுத்தம்பண்ணினார் என்று கேள்விப்பட்ட அந்தந்த தேசத்து ராஜ்யத்தார்மேல் (இதற்கு மேல் என்ன நடக்குமோ என்று) தேவனால் உண்டான பயங்கரம் வந்தது.

– – – – – – – – – – – – –

பரிசுத்த வேதாகமத்தின் வசனங்களை தமிழ் மற்றும் ஆங்கில மொழிபெயர்ப்புடன் ஒப்பிட்டு பார்த்து புரிந்து கொள்வது உற்சாகமூட்டும் அனுபவமாகவே உள்ளது. மேலும் தேவனுடைய வார்த்தையை துல்லியமாகவும் புரிந்துகொள்ள முடிகிறது.

பிரபலமான ஒரு பாடலின் வரிகள் இப்படி அமைந்துள்ளது. “பெலன் உள்ளவன் பெலன் அற்றவன் – பெலன் உள்ளவன் பெலன் இல்லாதவன் – யாராய் இருந்தாலும் உதவிகள் செய்வது – லேசான காரியம் உமக்கு அது லேசான காரியம்.”

2 நாளாகமம் 14ம் அதிகாரம் 11ம் வசனமும் அதே வகையான அர்த்தத்தை தான் கொடுக்கிறது என்பதை கீழ்கண்ட மொழிபெயர்ப்புகளில் காணலாம்.

GNT: O Lord, you can help a weak army as easily as a powerful one.

TA-OV-BSI: கர்த்தாவே, பலமுள்ளவனுக்காகிலும் பலனற்றவனுக்காகிலும் உதவி செய்கிறது உமக்கு லேசான காரியம்;

KJV: Lord, it is nothing with thee to help, whether with many, or with them that have no power.

ஆனால், வேறு சில மொழிபெயர்ப்புகள் நம்மை சிந்திக்க தூண்டுகின்றன.

NIV: Lord, there is no one like you to help the powerless against the mighty.

ERV-TA : கர்த்தாவே, பலமானவர்களை எதிர்க்கும் பலவீனர்களுக்கு உதவ உம்மால் தான் முடியும்!

GW: Lord, there is no one except you who can help those who are not strong so that they can fight against a large army.

ஆசா என்ற ராஜா தன்னிடம் உள்ள 5 இலட்சம் 80 ஆயிரம் வீரர்களை கொண்டு 10 இலட்சம் வீரர்களை எதிர்க்க வேண்டும் மற்றும் கேடயங்களையும், ஈட்டிகளையும், வில்லம்புகளையும் கொண்டு 300 இரதங்களை எதிர்க்க வேண்டும். இப்படிப்பட்ட பலவீனமான சேனையை கொண்டு பலமுள்ள சேனையை எதிர்க்க வேண்டிய சூழ்நிலையில் “பலமுள்ளவனுக்கு உதவி செய்கிறது உமக்கு லேசான காரியம்” என்று ஆசா ராஜா விண்ணப்பம் பண்ணியிருக்க முடியாது.

ஆகவே, இந்த சூழ்நிலையில், “கர்த்தாவே, பலமானவர்களை எதிர்க்கும் பலவீனர்களுக்கு உதவ உம்மைப்போல் வேறு ஒருவரும் இல்லையே“ என்று தான் ஆசா ராஜா விண்ணப்பம் பண்ணியிருக்க வேண்டும்.

ஆசாவின் விண்ணப்பத்தை கேட்டு பலமானவர்களை முறியடிக்க பலவீனர்களுக்கு கர்த்தர் உதவி செய்தார். ஆமென்.

ஒவ்வொரு இளவேனிற் காலத்திலும் மோவாபியக் கொள்ளைக் கூட்டத்தினர் வந்து இஸ்ரவேலரின் நாட்டைத் தாக்கி சூறையாடுவது வழக்கம்.

தீர்க்கதரிசியாகிய எலிசா மரித்து ஒரு வருடம் சென்ற பின், ஜனங்களை சூறையாடி பொருட்களை எடுப்பதற்காக மீண்டும் மோவாபிய கொள்ளைக் கூட்டத்தினர் வந்தனர்.

அப்பொழுது மரித்த ஒருவனை அடக்கம் செய்துகொண்டிருந்த இஸ்ரவேலர்கள் மோவாபிய கொள்ளைக் கூட்டத்தினர் வருவதைப் பார்த்தார்கள்.

உடனே அவர்கள் பயந்து, கொள்ளையர்களிடம் இருந்து தப்பி ஓடிப்போக வேண்டிய அவசரத்தில், பிணத்தை எலிசாவின் கல்லறைக்குள் வீசினார்கள் .

அந்த மனுஷனின் பிரேதம் எலிசாவின் எலும்புகளின் மேல் பட்டபோது, அந்த மனுஷன் உயிரடைந்து தன் கால்களை ஊன்றி எழுந்திருந்தான்.

மரித்து ஒரு வருடம் சென்ற பின்பும், எலிசா தீர்க்கதரிசியின் எலும்புகளில் தங்கி இருந்த உயிர்ப்பிக்கும் வல்லமை ஒரு கல்லறை அதிசயமாகவே உள்ளது.

The implied meaning was derived from these versions of the Holy Bible: OV-BSI, ERV-TA, CE-TA, WEB, NIV, AMP

A person who has a desire or zeal for something should first consider acquiring the necessary knowledge about that subject of interest.

If you hurriedly put in your feet, acting impulsively and proceeding without caution or analyzing the consequences, you will miss the way.

Getting excited about something is not enough. You should know what you are going to do.

One needs to be patient and willing, to undergo the process of acquiring knowledge, which often takes time. This can be done through academic and practical training.

Once sufficient knowledge is gained, that person will be well equipped to decide wisely about progressing towards that desire.

The intended meaning was derived from these versions of the Holy Bible: (OV-BSI) (NIV) (ERV-TA) (WEB) (AMP)